مجرد اضافة وصلتها على الماسنجر وقبلتها وماتدري من مين !!
المهم مع الأيام وكليوم تدخل وتشوف صاحب الأضافة اون لاين وتسئلة نفس السؤال: مين عطاك ايميلي؟؟
ويقول لها: وصلني عن طريق ايميل عن ايميل !!
وما صدقتة وكل يوم تتطاق هي وياه: قلي من اللي مرسلتك علي؟ وهو يحلف: والله محد ارسلني يابنت الناس
وعلى هالحالة كل يوم..
بعدها بفتره حست بالملل من تكرار نفس الطريقة معاه وقالت:ليه ماأشوف وش وراه!؟
وردت عليه السلام لأن بالعادة كل يوم يسلم وهي تطنش!
المهم مع الوقت أكتشفت انه ولد أخلاقة عاليه ومحترم لاخر درجة صارت هي وياه سوالف كل يوم وأنواع الهبال
وصار يعرف عنها كل شئ حتى أسم شغالتهم !!
ويوم من الأيام أختفى من الماسنجر وما جاء؟ غريبة وينة مو من عوايدة ..
وهو ماعطاها خبرانه بيسافر أو بغيب لظرف؟
بعدها بكم يوم طلع لها على الماسنجر وقال:أنا كنت تعبان وما قدرت أفتح النت ..
قالت له البنت:وليه ماحولت ترسل لي؟..أنا تعبت من التفكير وقامت الهواجيس تلعب براسي ..
قال:تبين الصدق يابنت الناس أنا كنت أبي أشوف غلاتي عندك وأنت بتفتقديني ولا ؟
البنت ضاق صدرها من تفكيرة ...
وقالت ماتوقعتك كذا تستهبل علي وزعلت عليه وهو يحاول يراضيها ويحلف لها انه مو قصده يزعلها وحتى انه ناوي يتقدم لها طارت البنت من الفرحة يوم درت انه بتقدم لها..
بس قال لها:أنا عندي مشكله؟شلون اقول لأمي عنك؟خايف تسئلني شلون عرفتها ومن هي بنته؟وقتها شلون أتصرف؟..
قامت تفكر وتعصر مخها وقالت:مافيه ال أني أتعرف عليها شخصيا اللين أخليها تعجب فيني
وهي بنفسها اللي تخطبني لك..
قاموا يفكرون شلون تتعرف على أمة؟..
طرى على بالها أن أمها و أبوها بحجون هذي السنة..
قالت وش رايك أتودي أمك للحج بنفس الحملة اللي بيروحون فيها أهلي وأنا بقنع أهلي أن يودوني معهم ...؟
ومن يومها وهي تحن على أهلها أبي أروح معكم؟
قالوا لها:ما عندنا مانع الحج فريضة غلى كل مسلم وودنا أنك تروحين تقضين فرضك
انبسطت وقالت له أن أهلها بيودونها للحج معهم والدور عليه الحين عشان يخلي أمة تروح للحج
أول ماوصلوا لمكة وهي تتشوف لهافي السكن اللي هم ساكنين فيه
وكل وقت وكل صلاة وهي جنبها وباليل تساعدها بقراءة الدعاء..ولما جاء يوم عرفه راحت تجمع لها الحصى..
ولما راحوا يرجمون كانت معها بكل خطوة من خطواتها..ولما جاء اخر يوم من ايام الحج وكانوا بيطوفون الوداع
وراحت تسلم عليها وتقول لها والله أني أحبك زي أمي وأني أرتحتلك ياخاله
وراحوا للمطار عشان يرجعون لديرتهم..
ولما اوصلوا أستقبل الولد أمة من المطار وقعد يسألهم عن حجهم وعسى ماتعبوا ومن هذا الكلام..
وبعدها قال:يمه عسى أرتحتي بحجك؟وقالت:ياولدي والله أنها حسن حج ذا السنة الله يخليك لنا اللي عزمت بي الين رحت.
قال:عسى الناس اللي معكم طيبين وارتحتي معهم ؟..قالت:والله ماعليهم ناس أجاويد وكلن بحالة..
بس والله ماضيق صدري الا بنت كانت معنا نشبت بحلقي هناك الله يعين اللي بياخذها